Rúnaí

An Eagraíocht:

Teastaíonn ón Taibhdhearc, Amharclann Náisiúnta na Gaeilge, cur lena Bord deonach Stiúrthóirí le daoine atá díograiseach agus cruthaitheach agus a bhfuil a gcroí i bhforbairt na hamharclannaíochta Gaeilge. Tá Rúnaí á lorg ag an mBord i láthair na huaire.

Is gearr go mbeidh an institiúid cultúir íocónach Gaeilge seo, An Taibhdhearc, céad bliain ar an bhfód agus tá áit shuntasach agus ar leith ag an Amharclann i samhlaíocht chainteoirí Gaeilge ar fud oileán na hÉireann agus ar fud an domhain ó bunaíodh í sa bhliain 1928. Óna ceanncheathrú chlúiteach i gcroílár chathair dhátheangach na Gaillimhe, tá tacaithe ag an amharclann leis an iarracht ealaíonta ar fud an iliomad foirmeacha ealaíne a thuilleann aitheantas sa bhaile agus thar lear.

www.antaibhdhearc.com

An Ról:

Bord An Taibhdhearc, Amharclann Náisiúnta na Gaeilge, ag lorg Rúnaí

Is duine lárnach an Rúnaí i ndeá-feidhmiú an Boird agus na heagraíochta. Táimid ag lorg duine eagraithe agus leis an t-am atá ag teastáil don ról tábhachtach seo.

Baineann na dualgais seo a leannas leis an ról, chomh maith le dualgais eile a thiocfaidh chun cinn i rith an tréimhse trí bliana:

1. Prótacal Chomhaltaí Nua a chur i bhfeidhm.
2. Prótacal do Chruinnithe a chur i bhfeidhm.
3. Cuntas a choinneáil ar na Cruinnithe Boird agus aon chomhfhreagras leis an mBord
4. Oibriú leis na Stiúrthóirí agus an Cathaoirleach le cinntiú go bhfuil gach uile rud i gceart leis an Rialaí Carthanas, bunaithe ar Phrótacal An Rialaí Carthanas.
5. Oibriú leis na Stiúrthóirí agus an Cathaoirleach le cinntiú go bhfuil na Polasaithe uilig, sa Phacáiste Ionduchtú agus Taifead ar na Baill suas chun dáta.
6. Tacú leis an gCisteoir ar an iniúchadh bliantúil.
7. Ról comhairliúcháin don Chathaoirleach.

Tá sé riachtanach go mbeadh taithí ar Bord ag an iarrthóir a roghnófar.

Fáiltíonn muid ach go háirithe roimh iarrthóirí le taithí/ cáilíocht ábharach i réimsí gairmiúla a mbaineann le riarthóireacht.

Tá sé riachtanach go mbeadh na comhaltaí nua ábalta tabhairt faoi ghnó go léir an Bhoird i nGaeilge. Tá cuireadh á thabhairt do dhaoine ar fud oileán na hÉireann agus go hidirnáisiúnta.

Is trí bliana tréimhse an téarma agus bíonn sé chruinniú Boird ar an sceideal bliantúil.

Cruinnithe Boird:

Bíonn sé chruinniú boird sa bhliain ar siúl ar Satharna ó 10.00 rn go 2.00 i.n., lena n-áirítear lón. Meascán de chruinnithe ar líne agus cruinnithe san amharclann (An Taibhdhearc, i gcathair na Gaillimhe) a bhíonn i gceist, cé go bhfuil cruinnithe pearsanta níos inmhianaithe.
Tacaíonn Coistí Boird le hobair Bhoird:
• Coiste Iniúchta agus Riosca,
• Coiste Straitéis agus Forbartha,
• Coiste Ealaíon

Iarrtar ar dhaoine a bhfuil spéis acu ann Curriculum Vitae (CV) agus litir chumhdaigh aon leathanach amháin a chur ar fáil. Ba chóir cur síos a dhéanamh sa litir ar thaithí, ar scileanna ábhartha, agus ar a spreagadh a bheith ar Bhord na Taibhdheirce.

Is Bord comhdheiseanna é Bord na Taibhdheirce agus fáiltítear roimh iarratais ó gach aicme den phobal.